سعودی عرب نے 4 اکتوبر سے عمرہ کی اجازت دے دی

 سعودی عرب نے 4  اکتوبر سے عمرہ اور زیارت کے لئے سعودی شہریوں اور مقیم غیرملکیوں کو اجازت دے دی ۔ غیر ملکی خبر رساں ادارے کے مطابق سعودی وزارت داخلہ  کی جانب سے جاری ہونے والے بیان میں کہا  گیا ہے کہ  عمرہ مرحلہ وار بحال کیا جائے گا ۔ 

 پہلے مرحلے میں شہریوں اور مملکت میں مقیم 6 ہزار افراد کو 4 اکتوبر سے عمرہ ادائیگی کی اجازت ہوگی ۔  دوسرا مرحلہ 18 اکتوبر اور تیسرا مرحلہ یکم نومبر سے شروع ہوگا ۔ بیرون ملک سے معتمرین کو یکم نومبر سے عمرہ کی اجازت ہوگی ، اْس وقت روزانہ کی بنیاد پر تعداد 20 ہزار تک بڑھائی جائے گی جبکہ 60 ہزار افراد کو مسجدالحرام میں نماز ادا کرنیکی اجازت ہوگی ۔ 

سعودی وزارت داخلہ کا کہنا ہے کہ چوتھے مرحلے میں عمرہ ،  زیارت اور نمازوں کی سو فیصد اجازت ہو گی ،  یہ اجازت اس وقت دی جائے گی جب متعلقہ حکام وبا کے خطرات ختم ہونے کا فیصلہ کرلیں گے ۔  واضع  رہے کہ کورونا وبا کی وجہ سے مارچ میں عمرے پر پابندی عائد کی گئی تھی ۔